युवा संघ नेपालका कोषाध्यक्ष दिपक दुवाडीले कमल थापा भन्दा शेरबहादुर देउवा हजार गुणा बढी लोकतान्त्रिक भएको टिप्पणी गरेका छन् । फेशबुकमा स्टाटस राख्दै दुवाडीले ओली प्रति ईङ्कित गर्दै यस्तो टिप्पणि गरेका हुन् । एमाले र राप्रपा नेपालले चुनावी तालमेल गर्ने निर्णय गरे पछि दुवाडीको यस्तो भनाई आएको हो ।

सत्तारुढ दलको चुनावी गठबन्धनमाथि तिब्र आलोचना गर्दै आएका ओलीले अन्ततः कमल थापाको पार्टी संग चुनावी तालमेल गर्ने निर्णय गरेका थिए । अदालतले समेत असंबैधानिक मानेको उनको कदम बिरुद्ध एकै ठाउँमा उभिएका गठबन्धन दल माथी अनैतिक गठबन्धन गरेको आरोप ओलीले लगाउँदै आएका थिए । कांग्रेस सहित पाँच दलीय गठबन्धन लाई अप्राकृतिक भन्दै आएका ओली अन्ततः बिचार र सिद्धान्तनै नमिल्ने पार्टी सँग तालमेल मात्र नभएर एउटै चुनाव चिन्हबाट चुनाव लड्ने निर्णय गरेका थिए ।

त्यसै बिच नेता दुवाडीले ओलीलाई कटाक्ष गर्दै कमल थापा भन्दा देउवा हजार गुणा बढी लोकतान्त्रिक छन् भन्दै स्टाटस राखेका हुन् ।